بعد الضجة التي أحدثها فيديو الممثل المصري أحمد عبد العزيز، الذي ظهر فيه شاب يمد يده لمصافحته، لكن الممثل لم يرد السلام، وجهت الممثلة المصرية عفاف مصطفى، رسالة للشاب أوردت فيها: "اللي يعرف الشاب ده ياريت تخلوه يتواصل معايا عالخاص ،، انا هاخليه ييجي لي اللوكيشن وفي قت البريك هاخليه يسلم و يتصور مع كل نجوم الفيلم النجوم النجوم فاهمين يعني إيه النجوم ؟؟ .
. انت علي رأسي يا حبيبي وانتوا الدعم بتاعنا وجمهورنا واللي حصلك ده مايخليكش تزعل نهائي للعلم يا إبني العزيز ،، نجومنا متواضعين جداً معندهمش ديفوهات نفسيه ولا غاويين يتمنظروا عالناس او جمهورهم لأن الجمهور هو صاحب الفضل في شهرة الفنان . لكن تعمل إيه في ناس عايشين الدور و قاصدين بل متعمدين يعملوا تريند قدام المصورين علي حساب شاب تعامل بصفاء نيه و نقاء وتم كسر الفرحه اللي كانت باينه في عنيه لما شاف ممثل ،، وعد مني هقابلك بالنجوم يا إبني . حقك علي راسي يا إبني الكريم اللي ماعرفش اسمه .. والله يا حبيبي دمي محروق عشانك من ساعة ما شفت الفيديو امبارح ... يا إبني الطيب البرئ انت أكرم من اي حد قاصد يعمل حركات للفت نظر المصورين عشان أم الترند الرخيص اللي جنن الناس ..".
